भक्तपुर । शुद्ध तोरीको तेल कलकल बजारमा ल्याएर ख्याति कमाएको कलकल ग्रुपले भक्तपुरको ठिमीमा नयाँ आउटलेट खोलेको छ । २०७४ सालमा स्थापना भएर स्वास्थ तोरीको तेलसहित स्वास्थ्यबर्धक खाद्य सामग्री बजारमा ल्याइरहेको ग्रुपले ठिमीमा नयाँ आउटलेट खोलेको हो ।
६ वर्षको औद्योगिक यात्रामा रहेको कलकल उपभोक्ता सहकारीमा कलकल ग्रुपले आउटलेट खोलेको हो । कम्पनीका अध्यक्ष रविराज कार्की र सहकारीकी अध्यक्ष रगीता बस्नेतले आटलेटको शुभारम्भ गरेका हुन् । योसँगै ग्रुपको आउटलेटको संख्या ४ वटा पुगेको छ । कम्पनीले हालसम्म कल कल ग्रुपको मुख्य आउटलेट, ठिमी आउटलेट, लोकन्थली आउटलेट र बत्तिसपुतली आउटलेटसहित ४ ओटा आउटलेट सञ्चालनमा ल्याएको छ ।
आउटलेट शुभारम्भ गर्दै कम्पनीका अध्यक्ष कार्कीले निरन्तररुपमा अन्य स्थानमा पनि थप आउटलेट खोल्ने तयारी भइरहेको बताए । १०० जना भन्दा माथि शेयर सदस्यहरु संस्थामा रहेको र उनीहरु नै व्यवसायिक ऊर्जाको श्रोत रहेको उनको भनाइ छ । कलकल ग्रुपमा उत्पादित शुद्ध तोरीको तेल लगायत अन्य खाद्य सामग्रीहरू प्राकृतिक र उच्च गुणस्तरीय रहेको कम्पनीको दाबी छ ।
वि.सं.२०८० माघ १६ मंगलवार ११:३२ मा प्रकाशित