काठमाडौं । हिमालयन डिष्टिलरी लिमिटेडले नगद लाभांश आफ्ना सेयरधनीको खातामा पठाएको छ । कम्पनीले माघ ३ गतेदेखि हितग्राही खातामा बैंक खाता अपडेट गरेका सेयरधनीको नगद लाभांश जम्मा गरेको हो ।
कम्पनीको पुस २५ गते सम्पन्न सभाले गत वर्षको नाफाबाट १० प्रतिशत बोनस र १५ प्रतिशत नगद लाभांश (कर सहित) वितरण गर्ने प्रस्ताव पारित गरेको थियो । बोनस सेयर भने सूचीकरण भएपछि सम्बन्धित सेयरधनीको हितग्राही खातामा पठाइनेछ ।
कम्पनीले हालसम्म पनि डिम्याट खाता र बैंक खाता अपडेट नगरेका सेयरधनीलाई अपडेट गर्न पनि आग्रह गरेको छ ।
वि.सं.२०८० माघ २१ आइतवार १०:२० मा प्रकाशित
