काठमाडौं । आइजीआई प्रुडेन्सियल इन्स्योरेन्स लिमिटेडले २६ औं वार्षिक साधारण सभा बोलाएको छ । सभा फागुन २० गते आइतबार लैनचौर वैङ्कैट, लैनचौर काठमाडौंमा विहान १० बजे बोलाएको हो।
कम्पनीले यस लाभांश सम्बन्धी कुनै प्रस्ताव गरेको छ । कम्पनीको सभाले गत आर्थिक वर्षको वार्षिक प्रतिवेदनसहित नाफा, नोक्सान तथा नगद प्रवाह विषयमा छलफल गरी पारित गर्नेछ । चालु आवका लागि लेखापरीक्षक नियुक्ति गर्ने र निजको पारिश्रमिक निर्धारण गर्नेछ ।
त्यस्तै, सभाले संस्थापक समूहबाट एक महिलासकित चार जना र सर्वसाधारण समूहबाट दुई जना प्रतिनिधित्व हुने गरी जम्मा ६ जना सञ्चालकको निर्वाचन गर्नेछ ।
साधारण सभा प्रयोजनार्थ यस कम्पनीले फागुन १० गतेदेखि २० गतेसम्म बुक क्लोज गर्ने भएको छ । यसर्थ फागुन ९ गतेसम्म कायम शेयरधनीले मात्र सभामा भाग लिन सक्नेछन् ।
वि.सं.२०८० माघ २५ बिहीवार ११:५९ मा प्रकाशित