काठमाडौं । धौलागिरी लघुवित्त वित्तीय संस्था लिमिटेडले सेयरधनीहरुलाई कुनै पनि लाभांश वितरण नगर्ने भएको छ । संस्थाको माघ २९ गते बसेको सञ्चालक समितिको बैठकले गत आर्थिक वर्षका लागि लाभांश प्रदान नगर्ने निर्णय गरेको हो ।
साथै उक्त बैठकले संस्थाको ५ औँ वार्षिक साधारण सभा आगामी चैत १ गते बोलाएको छ । साधारण सभा प्रयोजनका लागि आगामी फागुन १७ गते बुक क्लोज गर्ने निर्णय गरेको छ ।
उक्त सभामा मर्जरको विशेष प्रस्ताव पारित गरिनुका साथै गत आर्थिक वर्षको वित्तीय विवरणहरु पारित गरिनेछ । सभामा ४ जना संस्थापक सञ्चालक र २ जना सर्वसाधारण सञ्चालकको निर्वाचन गर्ने प्रस्ताव समेत पारित गरिनेछ ।
वि.सं.२०८० फागुन १ मंगलवार १४:०५ मा प्रकाशित
