काठमाडौं । समस्याग्रस्त कान्तिपुर सहकारीका अध्यक्ष पक्राउ परेका छन् । सहकारी ठगीको उजुरी परेपछि अध्यक्ष हिमालय विक्रम मल्ल ठकुरीलाई प्रहरीले पक्राउ गरेको हो । बचतकर्ताहरुको साढे ६ अर्ब रुपैयाँ दुरुपयोग गरी व्यक्तिगत नाममा घरजग्गा, निजी कम्पनी र रिसोर्टमा लगानी गरेर रकम हिनामिना गरेको भन्दै पीडितहरुको उजुरी दिएपछि उनलाई पक्राउ गरिएको हो ।
कान्तिपुर सहकारीलाई फागुन ४ गते भूमी व्यवस्था, सहकारी तथा गरिबी निवारण मन्त्रालयले समस्याग्रस्त घोषणा गर्ने निर्णय गरेको थियो ।
वि.सं.२०८० फागुन ८ मंगलवार १७:४५ मा प्रकाशित