काठमाडौं । सन नेपाल लाइफ इन्स्योरेन्स कम्पनी लिमिटेडले लाभांश घोषणा गरेको छ । कम्पनीको फागुन ११ गते बसेको सञ्चालक समितिको बैठकले गत आव २०७९/८० का लागि लाभांश घोषणा गरेको हो
कम्पनीले गत आ.व.का लागि २३.८० प्रतिशत बोनस सेयर र ४ करोड ८४ हजार २११ रुपैयाँबराबरको नगद लाभांश(कर प्रयोजनका लागि) घोषणा गरेको छ । । कम्पनीले बोनस सेयरपश्चात हकप्रद सेयर समेत जारी गर्ने घोषणा गरेको छ ।
हाल कम्पनीको चुक्तापूँजी ३ अर्ब २० करोड रुपैयाँ छ । बोनस सेयर वितरणपछि कम्पनीको चुक्तापूँजी ३ अर्ब ९६ करोड पुग्नेछ ।
यस्तै, कम्पनीले बोनस सेयरपश्चात कायम हुने चुक्तापूँजीको ३ अर्ब ९६ करोड १६ लाख रुपैयाँको २७ प्रतिशत अर्थात १ः०.२७ अनुपातमा हकप्रद जारी गर्ने जनाएको छ ।
कम्पनीको सञ्चालक समितिको बैठकले लाभांश र हकप्रद जारी गर्न बीमा प्राधिकरणबाट स्वीकृत भएपछि आगामी वार्षिक साधारण सभाबाट अनुमोदन गर्ने प्रस्ताव पारित गरेको छ ।
वि.सं.२०८० फागुन १३ आइतवार १०:३६ मा प्रकाशित
