काठमाडौं । लक्ष्मी ग्रुप अन्तर्गतको संस्था लक्ष्मी ल्युब आयल प्रा.लि. र काठमाडौँ उपत्यकाको चाबहिल जोरपाटी एरियाका टोटल इनर्जीको आधिकारिक बिक्रेता शँकर यमुना अटो पार्टसको सहकार्यमा रिटेलर मिट सम्पन्न भएको छ । कार्यक्रममा काठमाडौंका १५० जना भन्दा बढि रिटेलर हरुको उपस्थिति रहेको थियो ।
शँकर यमुना अटो पार्टसका म्यानेजिङ्ग डाईरेक्टर शँकर राज कारजितको सभापतित्वमा सम्पन्न भएको कार्यक्रमको प्रमुख अतिथिको रुपमा नेपाल वर्कशप ब्यवसायी सघँका केन्द्रिय अध्यक्ष शरण कुमार गुरुङ्ग, बिशेष अतिथिका रुपमा नेपाल अटो मेकानिक्स ट्रेड युनियनका पुर्व अध्यक्ष माधव प्रसाद पाण्डे र अन्य अतिथिहरुमा नेपाल वर्कशप ब्यवसायी सँघका सह कोषाध्यक्ष श्री प्रसाद ग्रुङ्ग, टोटल इनर्जी इन्डिया का एक्पोर्ट म्यानेजर पुरुषोतमन एमएस. र लक्ष्मी ल्युब आयलका सेल्स मेनेजर उमेश घिमिरेको सहभागीता रहेको थियो ।
कार्यक्रममा टोटल इनर्जी इन्डियाका पुरुषोतमन एमएसले टोटल इनर्जीमा उपलब्ध प्रडक्ट रेन्ज र यसका विशेषताको बारेमा सहभागी रिटेलरहरुलाई जानकारी गराउनु भएको थियो । बिशेष अतिथिको रुपमा बोल्दै NATU का पुर्व अध्यक्ष माधव पाण्डेले कमसल गुणस्तरका लुब्रिक्यान्टको कारोबार बढ्दै गएको अवस्थामा गुणस्तरिय लुब्रिक्यान्टको कारोबार गर्ने ब्यवसायीलाई चुनौती थपिएको उल्लेख गर्दै आम बिक्रेता र उपभोक्ताहरुलाई गुणस्तरिय लुब्रिक्यान्टको प्रयोग र बिक्रि बितरण गर्न सुझाब दिनुभएको थियो । कार्यक्रमका आयोजकको तर्फ बाट बोल्दै लक्ष्मी ल्युब आयलका सेल्स मेनेजर उमेश घिमिरेले लक्ष्मी ग्रुपको साथै लक्ष्मी ल्युब आयल प्रा.लि. को बारेमा सहभागी हरुलाई जानकारी गराउनु भयो ।
कार्यक्रमको प्रमुख अतिथिको रुपमा बोल्दै शरण कुमार गुरुङ्गले गुणस्तरहिन लुब्रिक्यान्टको कारोबार मौलाउँदै जानु दुखद रहेको भन्दै यसलाई रोक्न मापदण्ड बनाउन सरकारसँग पहल गर्न प्रयास गर्ने जानकारी गराउनु भयो ।
वि.सं.२०८० फागुन १३ आइतवार १७:१४ मा प्रकाशित
