काठमाडौं । सर्वोत्तम सिमेन्टको आइपीओ बाँडफाँड गर्ने मिति परिवर्तन भएको छ । बिक्री प्रबन्धक ग्लोबल आइएमई क्यापिटलका अनुसार सर्वोत्तम सिमेन्ट कम्पनीको अनुरोधमा आइपीओ बाँडफाँड गर्ने समय १ दिन पर सारिएको हो ।
यो सँगै अब कम्पनीको आइपीओ शुक्रबार (फागुन २५ गते) मात्र बाँडफाँड हुनेछ । यसको प्री–अलोटमेन्ट फागुन २० गते सम्पन्न भएको छ ।
सीडीएसका अनुसार यसमा अन्तिम दिन फागुन १६ गते साँझसम्ममा १० लाख १२ हजार ३८४ जनाले ५ करोड ३६ लाख ३३ हजार ९९० कित्ताका लागि आवेदन दिएका हुन्। जुन मागभन्दा १९.३२ गुणा बढी आवेदन हो ।
यसर्थ गोलाप्रथाबाट आइपीओ बाँडफाँड हुनेछ । यस अनुसार यो कम्पनीको शेयर ५५ हजार ५२१ जनाले पाउनेछन् । बाँकी साढे ९ लाख भन्दा धेरैले शेयर नपाउने भएका हुन् ।
कम्पनीले पहिलो पटक बुक बिल्डिङमार्फत सर्वसाधारणलाई फागुन १३ गतेदेखि गतेसम्म कुल २७ लाख ७६ हजार ७६ कित्ता आइपीओ निष्कासन तथा बिक्री खुला गरेको थियो ।
वि.सं.२०८० फागुन २१ सोमवार ११:०८ मा प्रकाशित