काठमाडौं । सत्ता गठबन्धन बदलिएसँगै आज सानो आकारको मन्त्रिमण्डल गठन गरिने भएको छ । प्रमुख दलबाट एक-एकजनालाई शपथको तयारी गरिएको बालुवाटारनिकट स्रोतले बतायो ।
जसमा एमालेबाट पदम गिरी, नेकपा माओवादी केन्द्रबाट हितबहादुर तामाङ र राष्ट्रिय स्वतन्त्र पार्टीबाट डोलप्रसाद अर्याल (डीपी) ले शपथ लिने तयारी गरेका छन् । आजै प्रधानमन्त्री पुष्पकमल दाहाल ‘प्रचण्ड’ले तयारीस्वरुपस् गिरी, तामाङ र अर्याललाई बिनाविभागीय मन्त्री बनाउने मौखिक जानकारी राष्ट्रपतिलाई गराएका थिए ।
आज दिउँसो साढे २ बजे नयाँ सत्ता समीकरणको बैठक बोलाइएको छ । उक्त बैठकमा गठबन्धनमा मन्त्रालय बाँडफाँडलगायत विषयमा लिखित सहमति गर्ने तयारी छ ।
वि.सं.२०८० फागुन २१ सोमवार १४:०६ मा प्रकाशित
