काठमाडौं । साताको तेस्रो कारोबार दिन सेयर बजारमा उछाल आएको छ । मंगलबार बजार ५८.५८ अंकले बढेर २१११ को विन्दुमा कायम हुन पुगेको छ ।
उक्त दिन सबैभन्दा बढी शिभम् सिमेन्टको सेयर कारोबार भएको छ । आज कम्पनीको ३७ करोड १९ लाख ३३ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सोनापुर मिनरल्सको २४ करोड ९ लाख ६२ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सन नेपाल लाइफ इन्स्योरेन्सको १६ करोड ५२ लाख २९ हजार रुपैयाँ, हिमालयन रिइन्स्योरेन्सको १५ करोड ७१ लाख ८६ हजार रुपैयाँ र माउन्टेन इनर्जीको ११ करोड ११ लाख ५६ हजार रुपैयाँको कारोबार भएको हो ।
वि.सं.२०८० फागुन २९ मंगलवार १५:०५ मा प्रकाशित