काठमाडौं । नेपाल स्टक एक्स्चेन्ज (नेप्से) ले नेरुडे र मिर्मिरे लघुवित्त वित्तीय संस्था लिमिटेडको सेयर कारोबार भोली फागुन ३० गते बुधबारदेखि रोक्का गरेको छ ।
दुवै कम्पनीले सेयर कारोबार रोक्का गरिदिन आग्रह गर्दै नेप्सेलाई पत्र लेखेका छन् । ‘धितोपत्र दर्ता गराएका संगठित संस्था एकआपसमा गाभ्ने गाभिने तथा प्राप्ति सम्बन्धी निर्देशिका, २०७९’ मा भएको व्यवस्था बमोजिम सेयर कारोबार रोक्का गर्न लागिएको हो ।
यी दुई लघुवित्त एक आपसमा मर्ज भएर फागुन ३० गतेबाट नेरुडे मिर्मिरे लघुवित्तको नामबाट एकीकृत कारोबार सुरु हुँदैछ । दुवै कम्पनी १ः१ सेयर स्वाप अनुपातमा मर्ज भएर एकीकृत कारोबार सुरु गर्न लागेका हुन् ।
वि.सं.२०८० फागुन २९ मंगलवार १७:३५ मा प्रकाशित