काठमाडौँ । नेपाली बजारमा मंगलबार सुनको भाउ बढेको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला ७ सय रुपैंयाले बढेको हो ।
महासङ्घका अनुसार आजका लागि छापावाला सुन प्रतितोला १ लाख २५ हजार २०० रुपैंया कायम छ । सोमबार छापावाला सुन प्रतितोला एक लाख २४ हजार ५०० रुपैंयामा कारोबार भएको थियो । यस्तै, तेजाबी सुन प्रतितोला १ लाख २४ हजार ६०० तोकिएको छ । सोमबार तेजाबी सुन प्रतितोला १ लाख २३ हजार ९०० रुपैंया कारोबार भएको थियो ।
यस्तै चाँदीको मूल्यमा सामान्य वृद्धि भएको छ । सोमबार प्रतितोला १ हजार ५२० रुपैंयामा कारोबार भएको चाँदी आज भने १ हजार ५२५ रुपैंया कायम गरिएको छ ।
वि.सं.२०८० चैत ६ मंगलवार ११:१५ मा प्रकाशित
