काठमाडौँ । साताको चौथो कारोबार दिन सेयर बजारमा सामान्य गिरावट आएको छ । बुधबार बजार ३.३४ अंकले घटेर २०६३ को विन्दुमा कायम हुन पुगेको छ ।
आज नेप्सेमा कारोबार भएको आज ३०५ कम्पनीको ९४ लाख ४५ हजार ६९७ कित्ता शेयर किनबेच हुँदा ३ अर्ब ४९ करोड ६२ लाख ८४ हजार रुपैयाँको कारोबार भएको छ । बजारमा गिरावट आउँदा १० वटा उपसूचकमा राताम्मै भएको छ ।
उक्त दिन बोटलर्स नेपाल (बालाजु)को सेयर मूल्य सर्वाधिक घटेको छ । कम्पनीको सेयर मूल्य ९.३२ प्रतिशतले घटेको छ । त्यसैगरी, सिद्धार्थ इन्भेष्टमेन्ट ग्रोथ स्किमको ८.०८ प्रतिशत, भगवती हाइड्रोपावरको ६.६७ प्रतिशत, रिलायन्स फाइनान्सको ३.७१ प्रतिशत र नेपाल फाइनान्सको ३.५४ प्रतिशतले सेयर मूल्य घटेको छ ।
वि.सं.२०८० चैत ७ बुधवार १५:१९ मा प्रकाशित
