काठमाडौं । मैलुङ खोला जलविद्युत कम्पनी लिमिटेडले बोनस सेयर घोषणा गरेको छ । कम्पनीको चैत ७ गते बसेको सञ्चालक समिति बैठकले २.२२ प्रतिशत बोनस सेयर र कर तिर्न ०.११ प्रतिशत नगद लाभांश गरी जम्मा २.३३ वितरण गर्ने निर्णय गरेको हो ।
उक्त प्रस्ताव आगामी साधारण सभामा पेश हुनेछ । सभाबाट पारित भएपछि सेयरधनीलाई बोनस सेयर वितरण गरिनेछ ।
कम्पनीले सेयर कारोबार सुरु भइसकेपछि मात्र लाभांश सम्बन्धी सूचना सार्वजनिक गरेपछि नेप्सेले कारबाही गरेको छ । नेप्सेले बिहीबार कम्पनीको सेयर कारोबार रोक्का गर्दै ३ कार्यदिनभित्र स्पष्टिकरण पेश गर्न पनि मैलुङ खोलालाई निर्देशन दिएको छ ।
कम्पनीले बुधबार नै सञ्चालक समितिको बैठकबाट लाभांश वितरण गर्ने निर्णय गरेको थियो । तर लाभांश सम्बन्धी उक्त निर्णय बिहीबार सेयर कारोबार सुरु भइसकेपछि मात्र नेप्सेलाई जानकारी गराएपछि कारबाहीमा परेको हो ।
वि.सं.२०८० चैत ८ बिहीवार १४:०७ मा प्रकाशित