काठमाडौं । साताको अन्तिम कारोबार दिन सुनको मूल्यमा गिरावट आएको छ । उक्त दिन सुन प्रतितोला १ हजार ३ सय रुपैयाँले घटेको हो ।
नेपाल सुन–चाँदी व्यवसायी महासंघका अनुसार आज प्रतितोला १ लाख २६ हजार ५ सय रुपैयाँ कायम भएको छ भने तेजावी सुनको मूल्य प्रतितोला १ लाख २५ हजार ९०० रुपैयाँमा कारोबार भइरहेको छ ।
अघिल्लो दिन बिहीबार छापावाल सुन प्रतितोला १ लाख २७ हजार ८०० रुपैयाँमा कारोबार भएको थियो भने तेजावी सुनको मूल्य तोलाको १ लाख २७ हजार २०० रुपैयाँमा कारोबार भएको थियो।
अघिल्लो दिन सुनको मूल्य प्रतितोला २६०० रुपैयाँले वृद्धि भएको थियो । आज चाँदीको मूल्यमा पनि ५५ रुपैयाँले घटेर प्रतितोला १ हजार ५०० रुपैयाँ कायम भएको छ ।
वि.सं.२०८० चैत ९ शुक्रवार ११:२५ मा प्रकाशित