back
NMB Ad

ब्रिटिस कलेजद्वारा पुनः अन्तर्राष्ट्रिय ‘स्टुडेन्ट एक्सचेन्ज’ कार्यक्रमको आयोजना

Royal Enfield Inside Page Banner

काठमाडौँ । द ब्रिटिस कलेज (टीबीसी)ले यस पटक पनि अन्तर्राष्ट्रिय ‘स्टुडेन्ट एक्सचेन्ज’ कार्यक्रमको आयोजना सम्पन्न गरेको छ । ब्रिटिस एजुकेशन ग्रुप अन्तर्गतको टीबीसीले यूकेस्थित आफ्नो साझेदार संस्था लिड्स बेकेट युनिभर्सिटी (एलबीयू)का विद्यार्थीहरुलाई स्वागत गर्दै बिभिन्न कार्यक्रमको आयोजना गरेर कार्यक्रम सम्पन्न गरेको हो ।

मार्च २५ देखि २९ सम्म भएको कार्यक्रममा एलबीयूका आठ जना विद्यार्थीहरुसँगै टीबीसीका विद्यार्थीहरुको पनि उत्साहजनक सहभागिता रहेको थियो । विश्वव्यापी शैक्षिक उत्कृष्टतालाई बढावा दिने टीबीसीको यस प्रयासमा १६ जना विद्यार्थीहरुले ‘इन्टरनेट अफ थिङ्ग्स’जस्ता नविन परियोजनाहरुमा संलग्न हुने मौका पाएका थिए ।

डा. पुनेह बघेरी जादेह, ब्रिटिस कलेजका हेड अफ द स्कुल अफ कम्प्युटिङ रोहितराज पाण्डे लगायतका प्रोग्राम लिडरहरुको सहभागितामा उत्साहजनक कार्यक्रमहरु भए । नेपालको अनुपम भूगोल र मौषमी अवस्थाको लागि तयार पारिएका आर्टिफिसियल इन्टिलिजेन्स (एआई) परियोजनामार्फत विद्यार्थीले आफ्नो विश्वव्यापी परिप्रेक्ष्यलाई फराकिलो बनाउने तथा अन्तर्राष्ट्रिय सम्बन्ध वृद्धि गर्ने मौका पाए ।

विशेष खालको भुगोल र जलवायू अनुकूल बनाइएको एआई परियोजनाबाट अन्तर्राष्ट्रिय विद्यार्थीहरुले भिन्न खालको संस्कृतिमा प्रवेश गर्ने अवसर पाए । सुमधुर अन्तर्राष्ट्रिय सम्बन्ध बनाउनुका साथै विश्वसम्बन्धी दृष्टिकोण विस्तार गर्ने अवसरहरु समेत विद्याथीहरुले पाए ।

अन्तर्राष्ट्रिय विद्यार्थीहरुलाई पुनः स्वागत गर्न पाएकोमा खुसी व्यक्त गर्दै ब्रिटिस कलेजका डेप्युटी प्रिन्सिपल प्याट्रिक म्याक्रडेनले भने, ‘पुनः एक पटक लिड्स बेकेट युनिभर्सिटीबाट आएका विद्यार्थीहरुलाई स्वागत गर्न पाउँदा हामी उत्साहित छौं । यो पहल विद्यार्थीहरुका लागि महत्वपूर्ण शिक्षा प्रदान गर्न मात्रै नभई हाम्रा साझेदार संस्थाबीचको सम्बन्धलाई मजबूद बनाउन र विश्वब्यापी सहकार्यलाई प्रोत्साहित गर्न पनि उत्तिकै महत्वपूर्ण साबित भइरहेको छ ।’

कार्यक्रममा मुख्यतः एलबीयूका प्रतिनिधिहरुले टीबीसीका विद्यार्थीहरुसँग कम्प्युटिङ स्टडिजको बारेमा छलफल, फ्याकल्टीहरुबीच अनुसन्धानबारे विचारको आदानप्रदान, आगामी दिनमा एलबीयू र टीबीसीबीच हुनसक्ने सम्भावित सहकार्य र उपलब्ध स्रोतसाधनको अधिकतम प्रयोग गरि कम्प्युटिङ पाठ्यक्रमलाई कसरी प्रभावकारी बनाउने भन्नेबारेमा छलफल भएको थियो ।

विद्यार्थीहरुद्वारा विकास गरिएका नवीन ‘आईओटी’ परियोजनाहरुमा उनीहरुको रचनात्मक र समस्याको समाधान गर्ने सीपहरु प्रस्तुत भएका थिए । ज्याक स्मिथ, जेम्स वेस्टोबी, कञ्चन कोइराला र संयोजन देवकोटा समावेश समूह ‘ए’ ले बाढी पूर्व सूचना प्रणालीबारेको एआई परियोजना प्रस्तुत गरेका थिए ।

त्यस्तै, समूह ‘बी’ले एआई ट्राफिक व्यवस्थापन प्रणालीबारेको परियोजना प्रस्तुत गरेका थिए । यस समूहमा नोजेन्द्र ओला, लौरा गाण्डिया गार्सिया–मोरालेस, स्वीङ नाकार्मी र अग्रता भट्टराई रहेका थिए । समूह ‘सी’का इस्लाम इल्सेरोउगी, ब्राडले लीच, राजश्वी श्रेष्ठ र अनमोल ढकालले एआई स्मार्ट गार्डनिङ प्रणालीबारेको परियोजना प्रस्तुत गरेका थिए । समूह ‘डी’मा रहेका म्याक्स सियू चुङ यान, कनिका माथुर, श्रेयश पराजुली र दिवन सिग्देलले एआई हाते पानी नियन्त्रण प्रणालीबारे आफ्नो परियोजना प्रस्तुत गरेका थिए ।

कार्यक्रम सफलतापूर्वक सम्पन्न भएकोमा टीबीसीले प्रत्यक्ष/अप्रत्यक्ष रुपमा जोडिएका सबैप्रति कृतज्ञता प्रकट गरेको छ । त्यस्तै, विश्वव्यापी पहुँचलाई बिस्तार गर्दै लैजाने क्रममा पुनः एकपटक अन्तर्राष्ट्रिय विद्यार्थीहरुलाई स्वागत गर्न पाएकोले आगामी दिनमा अन्य साझेदार संस्थाहरुसँग सहकार्यको दायरा बिस्तार गर्दै लैजाने प्रतिज्ञा समेत गरेको छ ।

वि.सं.२०८० चैत १६ शुक्रवार २०:५३ मा प्रकाशित

You can share this post!

MBL Home page & Landing Page
अर्थतन्त्र सुधारका लागि पहल जारी : अर्थतन्त्र पौडेल

अर्थतन्त्र सुधारका लागि पहल जारी : अर्थतन्त्र पौडेल

वि.सं.२०८१ माघ २७ आइतवार ०६:५८

काठमाडौँ: उपप्रधानमन्त्री तथा अर्थमन्त्री विष्णुप्रसाद पौडेलले मुलुकको अर्थतन्त्र सुधारका लागि...

वन पैदावारबाट एक अर्बबढी राजस्व सङ्कलन 

वन पैदावारबाट एक अर्बबढी राजस्व सङ्कलन 

वि.सं.२०८१ माघ २७ आइतवार ०६:५१

गण्डकी : वन पैदावार र जडीबुटीको बेचबिखनबाट गण्डकी प्रदेश सरकारले...

यस्तो छ विदेशी मुद्राको विनिमय दर     

यस्तो छ विदेशी मुद्राको विनिमय दर     

वि.सं.२०८१ माघ २७ आइतवार ०६:३१

काठमाडौ : नेपाल राष्ट्र बैङ्कले आइतबारका लागि विदेशी मुद्राको विनिमय...

आज २७ माघ २०८१ आइतवार, हेर्नुहोस् आजको राशिफल

आज २७ माघ २०८१ आइतवार, हेर्नुहोस् आजको राशिफल

वि.सं.२०८१ माघ २७ आइतवार ०६:२४

मेष मेष (चु, चे, चो, ला, लि, लु, ले, लो,...

महिला टी२०आई त्रिकोणीय क्रिकेट शृङ्खलाकि उत्कृष्ट नेपाली खेलाडी यामाहा रेजेडआर १२५एफआई हाइब्रिडबाट पुरस्कृत

महिला टी२०आई त्रिकोणीय क्रिकेट शृङ्खलाकि उत्कृष्ट नेपाली खेलाडी यामाहा रेजेडआर १२५एफआई हाइब्रिडबाट पुरस्कृत

वि.सं.२०८१ माघ २६ शनिवार १६:२७

काठमाडौं : सहभागी तीन राष्ट्रहरू नेपाल, नेदरल्याण्ड्स र थाइल्याण्डले प्रस्तुत...

कुमारी सहकारीको एक अर्ब ४९ करोड अपचलन हिनामिना, प्रहरीद्वारा अनुसन्धान सुरू   

कुमारी सहकारीको एक अर्ब ४९ करोड अपचलन हिनामिना, प्रहरीद्वारा अनुसन्धान सुरू   

वि.सं.२०८१ माघ २६ शनिवार १६:०९

 म्याग्दी  : म्याग्दीको बेनी नगरपालिका–८ मा रहेको कुमारी बहुउद्देश्यीय सहकारी...