काठमाडौँ । साताको तेस्रो कारोबार दिन सेयर बजारमा सामान्य गिरावट आएको छ । मंगलबार बजार १.८५ अंकले घटेर २०१० को विन्दुमा कायम हुन पुगेको छ ।
आज नेप्सेमा कारोबार भएको आज ३१२ कम्पनीको ६१ लाख ३१ हजार ६२१ कित्ता शेयर किनबेच हुँदा २ अर्ब २९ करोड १६ लाख ४५ हजार रुपैयाँको कारोबार भएको छ । बजारमा गिरावट आउँदा ७ वटा उपसूचक राताम्मै भएको छ ।
उक्त दिन ज्योति विकास बैंक बन्ड २०८७को सेयर मूल्य सर्वाधिक घटेको छ । कम्पनीको सेयर मूल्य ७.५० प्रतिशतले घटेको छ ।
त्यसैगरी, मनकामना इन्जिनियरिङ हाइड्रोपावरको ५.२८ प्रतिशत, तारागाउँ रिजेन्सी होटलको ४.९४ प्रतिशत, मायाखोला हाइड्रोपावरको ४.२६ प्रतिशत, चिरख्वा हाइड्रोपावरको ४.१९ प्रतिशतले सेयर मूल्य घटेको छ ।
वि.सं.२०८० चैत २० मंगलवार १५:३० मा प्रकाशित
