काठमाडौं । साताको अन्तिम कारोबार दिन सेयर बजारमा सामान्य गिरावट आएको छ । बिहीबार बजार २.७३ अंकले घटेर २००४ को विन्दुमा कायम हुन पुगेको छ ।
उक्त दिन सबैभन्दा बढी गुर्खाज फाइनान्सको सेयर सर्वाधिक सेयर कारोबार भएको छ । आज कम्पनीको २३ करोड ३२ लाख ९१ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको शिभम् सिमेन्टको १८ करोड ३८ लाख ६७ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सर्वोत्तम सिमेन्टको १८ करोड २४ लाख ७१ हजार रुपैयाँ, सूर्यज्योति लाइफ इन्स्योरेन्सको ६ करोड २३ लाख ४ हजार रुपैयाँ र सोनापुर मिनरल्सको ६ करोड २ लाख ९३ हजार रुपैयाँको कारोबार भएको हो ।
वि.सं.२०८० चैत २२ बिहीवार १५:०६ मा प्रकाशित
