काठमाडौं । नेपाल स्टक एक्सचेञ्ज (नेप्से)मा यस साता तीन कम्पनीको बोनस सेयर सूचिकृत भएको छ । नेप्सेमा यस साता अर्थात चैत १८ गते देखि २३ गतेसम्म तीन कम्पनीको २ करोड ६३ लाख १६ हजार ७२२.४४१ कित्ता बोनस सेयर सूचिकृत भएको हो ।
नेप्सेमा रिलायबल नेपाल लाइफ इन्स्योरेन्सको १६ प्रतिशत बोनस बापतको ६४ लाख कित्ता बोनस सेयर सूचीकृत भएको हो ।
साना किसान लघुवित्तको १४.२५ प्रतिशत बोनस बापतको ४७ लाख ४७ हजार ५५५.९४१ कित्ता बोनस सेयर सूचीकृत भएको हो ।
त्यसैगरी, लक्ष्मी सनराइज बैंकको ७ प्रतिशत बोनस बापतको १ करोड ५१ लाख ६९ हजार १६६.५ कित्ता बोनस सेयर सूचीकृत भएको हो ।
सूचीकृतपश्चात् यी तीन वटै कम्पनीको शेयर सम्बन्धीत शेयरधनीहरुको हितग्राही खातामा जम्मा भएपछि धितोपत्र दोस्रो बजारमा कारोबार गर्न पाउनेछ ।
वि.सं.२०८० चैत २३ शुक्रवार १५:४३ मा प्रकाशित
