काठमाडौं । साताको पहिलो कारोबार दिन सेयर बजारमा दोहोरो अंकले बढोत्तरी आएको छ । उक्त दिन बजार ५६.०९ अंकले बढेर २६५३.५८ को विन्दुमा कायम भएको छ ।
उक्त दिन सबैभन्दा बढी सहास उर्जा लिमिटेडको सेयर सर्वाधिक कारोबार भएको छ । आज कम्पनीको ६३ करोड ८३ लाख ५८ हजार रुपैया बराबरको कारोबार भएको छ । कारोबार रकमको आधारमा दोस्रो स्थानमा रहेको एनआरएन इन्फ्रास्ट्रक्चरको २५ करोड ५७ लाख ९५ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन नेपाल फाइनान्सको १५ करोड ९९ लाख १० हजार रुपैयाँ, गुडविल फाइनान्सको १५ करोड १३ लाख २९ हजार रुपैयाँ, एसियन लाइफ इन्स्योरेन्स संस्थापक सेयरको १४ करोड ५७ लाख ५० हजार रुपैयाँको कारोबार भएको हो ।
वि.सं.२०८१ असोज २० आइतवार १५:१२ मा प्रकाशित
