काठमाडौं । खल्ती डिजिटल वालेट ले खल्तीमा उपलब्ध जुनसुकै एयरलाइन्सको टिकट बुक गर्दा मात्र १ रुपैयाँमा हवाई टिकट खरिद गर्न सकिने आकर्षक अफर कार्यान्वयनमा ल्याएको छ ।
फ्लाइट टिकेट मा नेपालकै सबै भन्दा बढी क्यास ब्याक प्रदान गर्ने अनलाइन भुक्तानी सेवा प्रदायक कम्पनी यस्तो सुविधा ल्याएको हो ।
उक्त अफर मार्फत् खल्तीमा उपलब्ध कुनै पनि एयरलाइन्सको टिकट बुक गर्ने हरेक प्रयोगकर्ताले ८ सय रुपैयाँसम्मको क्यास ब्याक पाउनेछन् । उक्त अफर ७ सेप्टेम्बर देखि ४ अक्टोबर २०२१ सम्ममात्र लागु हुने खल्ती वालेटले जनाएको छ ।
साथै दैनिक एक जना भाग्यशाली बिजेताले मात्र १ मा उडान टिकट प्राप्त गर्नेछन् । खल्तीले हवाई टिकट को कुल रकमबाट जम्मामात्र १ रुपैयाँ कटौती गरी बाँकी रकम बिजेताको खातामा ट्रान्सफर हुने जानकारी गराएको छ ।
उक्त अफरमा सहभागी हुन आफ्नो खल्ती केवाइसी भने अनिवार्य भेरिफाई गराएको हुनुपर्नेछ । खल्ती अकाउन्ट नभएका नयाँ ग्राहकहरुले पनि खल्ती एप डाउनलोड गरी आफ्नो खल्ती केवाईसी भेरिफाइ गरिसकेपछि उक्त अफरमा सहभागी सकिने बताइएको छ ।
वि.सं.२०७८ भदौ २३ बुधवार १३:१२ मा प्रकाशित
