काठमाडौं । गोर्खाज फाइनान्स लिमिटेडको साधारणसभा फेरि स्थगित भएको छ । कम्पनीको २६औं वार्षिक साधारण पुनः स्थगित भएको हो ।
उच्च अदालत पाटन ललितपुरले भदौ २३ गते निषेधाज्ञा मुद्दामा संस्थाको वार्षिक साधारणसभा स्थगित गर्ने अन्तरिम आदेश जारी भएकाले हाललाई सभा तथा निर्वाचन सम्बन्धी सम्पूर्ण कार्यक्रम स्थगित भएको हो ।
साथै कम्पनीको सभा तथा संचालकहरुको निर्वाचन सम्बन्धी कार्यक्रम छिट्टै प्रकाशन गरिने बताइएको छ । कम्पनीको साधारणसभा भोलि अर्थात भदौ २४ गते हुने भनिएको थियो ।
कम्पनीको २६औं साधारणसभा भौतिक उपस्थिति तथा भुर्चअल माध्यमबाट गर्ने भनिएको थियो । कम्पनीले सेयरधनीहरुका लागि कुनै पनि लाभांश घोषणा भने गरेको छैन ।
यसअघि कम्पनीले बैशाख २१ गतेका लागि सभाको मिति तय गरेको थियो । विश्वव्यापी महामारीको रुपमा फैलिको कोरोना संक्रमणका नियन्त्रणका लागि जारी निषेधाज्ञाका कारण सभा स्थगित भएको थियो ।
वि.सं.२०७८ भदौ २५ शुक्रवार ११:५० मा प्रकाशित
