काठमाडौं । सेञ्चुरी कमर्सियल बैंकले नयाँ बचत खाता संचालन गरेको छ । बैंकले ‘सेञ्चुरी रेमिट प्रिमियम खाता’को शुभारम्भ गरेको छ ।
न्यूनतम मौज्दात १ हजार रुपैयाँ भएको उक्त खातामा वार्षिक ५.५० प्रतिशतको दरले त्रैमासिक रुपमा ब्याज भुक्तानी गरिने छ ।
उक्त खातामा अन्य बचत खातामा भन्दा १ प्रतिशत बढि ब्याज भुक्तानीका साथसाथै इन्टरनेट बैंकिङ्ग र मोबाइल बैंकिङ्ग पनि निस्शुल्क उपलब्ध रहेको बैंकले जनाएको छ । उक्त खातामा लकर सेवा, एटीएम र अन्य सुबिधाहरुको पनि व्यवस्था गरिएको बैंकले जनाएको छ ।
रेमिट्यान्सबाट आएको रकमलाई सुरक्षित राख्न र उच्च ब्याजदर प्राप्त गर्न इच्छुकले आफुलाई सहज हुने बैंकको कुनै पनि शाखा कार्यालयमा गई उक्त नयाँ बचत खाता खोल्न सकिने छ ।
उक्त खाता खोल्नको लागि कुनै पनि रेमिट्यान्सबाट प्राप्त रसिद भने बैंकलाई अनिवार्य उपलब्ध गराउनुपर्नेछ ।
बैंकले काठमाडौं उपत्यकामा २३ शाखाहरु र ७ वटा एक्स्टेन्सन काउन्टर र उपत्यका बाहिर १०३ शाखाहरु र ३ वटा एक्स्टेन्सन काउन्टर साथै १८ वटा शाखारहित बैंकिङ्ग गरी जम्मा १५४ स्थानबाट कारोबार सञ्चालन गरिरहेको छ ।
वि.सं.२०७८ भदौ २८ सोमवार १३:२० मा प्रकाशित