काठमाडौं । प्रभु बैंकले आफ्नो खाताको विवरण र बैंकिङ कारोबारमा प्रयोग हुने संवेदशील एवं गोप्य विवरणहरु कसैलाई पनि प्रदान नगर्न अनुरोध गरेको छ ।
एक सूचना निकाल्दै बैंकले पछिल्लो समयमा विभिन्न सामाजिक सञ्जाल तथा अन्य माध्यम मार्फत स्वदेशी , विदेशी नम्बरहरुबाट फोन, एसएमएस पठाई विभिन्न चिठ्ठा परेको भन्दै ठगी गर्ने प्रयासहरु भईरहेको गुनासो आएकाले यस्तो अनुरोध गरेको हो ।
चिठ्ठा वापतको रकम प्राप्त गर्न बैंकको खाताको विवरण तथा अन्य गोप्य विवरण माग गरि मोबाइल बैंकिङ तथा अन्य डिजिटल भुक्तानीका माध्यमबाट हुने ठगीका प्रयोस हुने भएकाले बैंकले सजग गराएको हो ।
प्रभु बैंकका सम्पूर्ण ग्राहकहरुलाई आफ्नो खाताको विवरण र बैंकिङ्ग कारोबारमा प्रयोग ह्ने ओपीटी, पिन, पासवर्ड लगायतका संवेदनशील गोप्य विवरणहरु कसैलाई पनि प्रदान नर्गन बैंकले सूचित गराएको छ ।
साथै आफ्नो पासवर्ड तथा पिन नम्बरहरु समय समयमा परिवर्तन गर्न, खाता तथा कार्ड मार्फत गरिएको कारोबारको विवरण रुजू गर्न बैंकले अनुरोध गरेको छ ।
कारोबार शंकास्पद लागेमा तरुन्तै ०१-४७८८५०० मा सम्पर्क गर्न वा [email protected] मा इमेल पठाउन बैंकले अनुरोध गरेको छ ।
वि.सं.२०७८ भदौ ३१ बिहीवार १२:०८ मा प्रकाशित
