काठमाडौं । तेह्रथुम पावर कम्पनीको आईपीओ भदौ २५ गते बाँडफाँट सम्पन्न भयो । कम्पनीको आईपीओ ७४ हजार ४०० जना सर्वसाधारणले १० कित्ताका दरले पाएका थिए ।
आईपीओमा २३ लाख ५५ हजार ४४७ जनाले आवेदन दिएकोमा ८ हजार ८२० जनाको आवेदन रद्द हुँदा २३ लाख ४६ हजार ६२७ जना योग्य ठहरिएका थिए ।
कम्पनीले भदौ ९ गतेदेखि १३ गतेसम्म ८ लाख कित्ता आइपीओ निष्कासन गरेको थियो । जसमा ४० हजार कित्ता म्युचुअल फन्डलाई र १६ हजार कित्ता कर्मचारीलाई छुट्याएर बाँकी ७ लाख ४४ हजार कित्ता सर्वसाधारणको लागि निष्काशन गरेको थियो ।
यसैबीच कम्पनीको आईपीओ दोस्रो बजारको पहिलो कारोबारका लागि न्युनतम ८४ रुपैयाँ ७४ पैसादेखी २५४ रुपैयाँ २२ पैसासम्म ओपनिङ्ग रेञ्ज पाउने देखिएको छ ।
तेह्रथुम पावरको प्रतिसेयर नेटवर्थ ८४ रुपैयाँ ७४ पैसा रहेको छ । यसकै आधारमा नेप्सेबाट कम्पनीले उक्त रेञ्ज पाउनेदेखिएको हो ।
नेप्सले कुनैपनि कम्पनीको वास्तविक नेटवर्थको आधारमा पहिलो कारोबारका लागि आपनिङ रेञ्ज तोक्ने गर्दछ ।
वि.सं.२०७८ असोज ४ सोमवार १६:२६ मा प्रकाशित
