काठमाडौं । बिहीबार बसेको प्रतिनिधिसभाले आर्थिक विधेयक र राष्ट्र ऋण उठाउने विधेयक पारित गरेको छ ।
प्रमुख प्रतिपक्षी दल नेकपा एमालेको नाराबाजीका बाबजुद पनि सभाले २ वटा विद्येयक पारित गरेको छ ।
एमालेका सांसदहरुले बैठक सुरुभएदेखी नै नाराबाजी गरेका थिए । नाराबाजीका बाबजुद पनि सभामुख अग्नी प्रसाद सापकोटाले संसदको कारबाही चलाएर दुईवटा विद्येयक पारित भएको हो ।
एमालेको नाराबाजी भइरहेको बेला सभामुख सापकोटाले अर्थमन्त्री जनार्दन शर्मालाई अर्थिक विधेयक र राष्ट्र ऋण उठाउने विधेयक निर्णयार्थ पेश गर्न अनुमति दिनुभएको हो ।
दुवै विद्येयक बहुमतले पारित भएका छन् । दुई विद्येयक पारित भएसँगै सरकारलाई बजेट खर्च गर्न तथा ऋण उठाउनको लागि बाटो खुला भएको छ ।
वि.सं.२०७८ असोज ७ बिहीवार १५:४४ मा प्रकाशित
