काठमाडौं । कुमारी बैंकले संस्थापक सेयर बिक्री गर्ने भएको छ । बैंकका दुई संस्थापक सेयरधनीको नाममा रहेको ४ लाख ३३ हजार ६४० कित्ता कित्ता सेयर बिक्री गर्न लागेको हो ।
जसमध्ये भेञ्चर ट्रेडिङ एण्ड इन्भेष्टमेन्ट प्रालिको १ लाख ९५ हजार कित्ता र संस्थापक सेयरधनी वेद प्रकाशन उप्रेतीको २ लाख ३८ हजार ६४० कित्ता सेयर बिक्रीमा ल्याएको हो ।
उक्त सेयर खरिद गर्न इच्छुक योग्य विद्यमान संस्थापक सेयरधनीहरुले आजैका मितिदेखि ३५ दिन भित्र आवेदन दिनसक्नेछन् । उक्त सेयरको मुल्य भने बिक्रेताले तोके बमोजिम हुने बताइएको छ ।
तोकिएको समयभित्र विद्यमान संस्थापकहरुबाट आवेदन नपरेमा संस्थापक भन्दा बाहिर सेयर बिक्रीको प्रक्रिया अगाडि बढाईने सूचनामा उल्लेख छ ।
कम्पनीको सेयर रजिष्ट्रारमा कुमारी क्यापिटल लिमिटेड रहेको छ ।
वि.सं.२०७८ असोज १५ शुक्रवार ११:१७ मा प्रकाशित