काठमाडौं । स्यार्पू पावर कम्पनीको तेस्रो साधारणसभा कात्तिक १५ गते सोमबार गर्ने भएको छ ।
कम्पनीको असोज १६ गते बसेको संचालक समितिको बैठकले उक्त दिन सभा गर्ने निर्णय गरेको हो ।
सभामा चुक्ता पुँजी, जारी पुँजी र अधिकृत पुँजी थप गर्ने विशेष प्रस्ताव लैजाँदैछ । सभाले संचालक समितिको तर्फबाट अध्यक्षबाट प्रस्तुत आर्थिक वर्ष २०७६/७७ को आर्थिक प्रतिवेदन प्रस्तुति छलफल तथा स्वीकृत गर्नेछ ।
साथै आर्थिक वर्ष २०७७/७८ का लागि लेखापरीक्षक नियुक्ति र निजको पारिश्रमिक तोक्ने लगायतका प्रस्ताव पारित गर्नेछ ।
वि.सं.२०७८ असोज २१ बिहीवार ११:२४ मा प्रकाशित