काठमाडौं । नेपाली बजारमा सुनको मूल्य वृद्धि भएको छ । दशैं नजिकिदैँ गर्दा छापावाला सुनको मूल्य वृद्धि भएको हो ।
साताका पहिलो कारोबार दिन सुन प्रतितोला १ सय रुपैयाँले बढेर ९० हजार ७ सय रुपैयाँ कायम भएको छ । अघिल्लो कारोबार दिन अर्थात शुक्रबार ९० हजार ६ सय रुपैयाँमा खरिदबिक्री भएको थियो ।
नेपाल सुनचाँदी व्यवसायी महासंघका अनुसार आज तेजावी सुनको मूल्य भने ९० हजार २५० रुपैयाँ कायम भएको छ । तेजावी सुनको अघिल्लो दिन ९० हजार १५० रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । आज चाँदी प्रतितोला ५ रुपैयाँले बढेर १ हजार १७५ रुपैयाँ पुगेको छ । महासंघका अनुसार शुक्रबार १ हजार १७० रुपैयाँमा कारोबार भएको थियो ।
वि.सं.२०७८ असोज २४ आइतवार ११:०७ मा प्रकाशित