काठमाण्डौं । साताको अन्तिम दिन आज बिहीबार सेयर बजारमा झण्डै दुई अर्ब बराबरको सेयर किनबेच भएको छ । फाइनान्स बाहेकका सबै समूहमा हरियो भएपछि बिहीबारको सेयरबजार हालसम्मकै ऐतिहासिक उचाईमा पुगेको छ ।
आज बिहीबार नेप्से १८.७८ अंकले बढेर हालसम्मकै सर्वाधिक उच्च १६६६.९९ विन्दुमा पुगेको हो । दिनको बजारमा पनि बीमा समुहकै सर्वाधिक कारोबार भएको छ । ऐतिहासिक उचाईमा पुगेको बजारमा १३५ कम्पनीको एक अर्ब ९८ करोड ९९ लाख रुपैयाँ बराबरको सेयर किनबेच भएको छ ।
आज बीमा समूह सबैभन्दा धेरै ६९.६९ अंकले उकालो लागेको छ । त्यस्तै, जलविद्युत समूह र वाणिज्य बैंक समूहले क्रमशः ४०.८३ र २३.१७ अंकले बढेको छन् । विकास बैंक समूहको सूचक १२.९७ अंकले बढ्दा होटल ११.२३, उत्पादनमूलक ३४.८६ र अन्य समूह १.१८ अंकले उक्लिए ।
९ असार २०७३, ३.३०
वि.सं.२०७३ असार ९ बिहीवार १६:०४ मा प्रकाशित
