काठमाडौं । आईपीओ निष्काशनको तयारीमा रहेको सिवाईसी नेपाल लघुवित्त वित्तीय संस्थाले चालु आर्थिक वर्ष २०७८/७९ पहिलो त्रैमासमा साढे २ करोड बढी नाफा कमाएको छ ।
बिहीबार सार्वजनिक गरेको चालु आवको प्रथम त्रैमासिक वित्तीय विवरण अनुसार कम्पनीले २ करोड ७३ लाख ८५ हजार रुपैयाँ नाफा कमाएको हो ।
कम्पनीको नाफा गत आर्थिक वर्षको सोही अवधिको तुलनामा ११७.११ प्रतिशतले बढी हो । गत वर्षको असोज मसान्तसम्म कम्पनीले १ करोड २६ लाख १३ हजार रुपैयाँ नाफा कमाएको थियो ।
कम्पनीको खुद ब्यजा आम्दानी पनि वृद्धि भएको छ । चालु आवको पहिलो त्रैमासमा कम्पनीको खुद ब्याज आम्दानी ४ करोड ४४ लाख ८ हजार रुपैयाँ रहेको छ । गत वर्षको सोही अवधिमा भने ३ करोड ३१ लाख २ हजार रुपैयाँ रहेको थियो ।
कम्पनीको चुक्ता पुँजी ८ करोड २१ लाख ८ हजार रुपैयाँ रहेको छ । जगेडा तथा कोषमा भने १२ करोड १२ लाखा ३१ हजार रुपैयाँ राखेको छ ।
उक्त अवधिमा कम्पनीको खराब कर्जा ३.१२ प्रतिशत रहेको छ । गत वर्षको सोही अवधिमा भने खराब कर्जा ६.१४ प्रतिशत रहेको थियो ।
वि.सं.२०७८ कात्तिक ११ बिहीवार ११:४६ मा प्रकाशित
