काठमाडौं । कुमारी बैंकले चालु आर्थिक वर्ष २०७८/७९ को पहिलो त्रैमासमा ५४ करोड बढी नाफा कमाएको छ ।
बैंकले आइतबार सार्वजनिक गरेको वित्तीय विवरणअनुसार चालु आवको असोज मसान्तसम्म ५४ करोड ११ लाख १९ हजार रुपैयाँ नाफा कमाएको छ ।
जुन गत आर्थिक वर्षको सोही अवधिमो तुलनामा भने १०.१९ प्रतिशतले कमी हो । गत आवको असोज मसान्तसम्म बैंकले ६० करोड २५ लाख ४३ हजार रुपैयाँ नाफा कमाएको थियो ।
चालु आवको असोज मसान्तसम्म बैंकको खुद ब्याज आम्दानी १ अर्ब २८ करोड ६९ लाख ३३ हजार रुपैयाँ रहेको छ । जुन गत आवको सोही अवधिको तुलनामा भने २.१८ प्रतिशतले कमी हो ।
गत आवको असोज मसान्तमा बैंकको खुद ब्याज आम्दानी १ अर्ब ३१ करोड ५६ लाख ९६ हजार रुपैयाँ रहेको छ ।
हाल बैंकको चुक्ता पूँजी १३ अर्ब ८७ करोड ८४ लाख ७४ हजार रुपैयाँ रहेको छ । जगेडा कोष रकम ३ अर्ब ९३ करोड ८६ लाख ३२ हजार रुपैयाँ रहेको छ ।
बैंकको वितरणयोग्य नाफा १ अर्ब १० करोड ६३ लाख १० हजार रुपैयाँ रहेको छ । उक्त अवधिमा बैंकले १ खर्ब ५५ अर्ब १८ करोडभन्दा बढी निक्षेप संकलन गरेको छ भने १ खर्ब ५२ अर्ब ३७ करोडभन्दा बढी कर्जा प्रवाह गरेको छ ।
बैंकको निष्क्रिय कर्जा पनि घटेको छ । गत वर्षको सोही अवधिमा १.४३ प्रतिशत रहेको निष्क्रिय कर्जा चालु आवको पहिलो त्रैमासमा भने घटेर ०.८२ प्रतिशतमा झरेको छ ।
बैंकको प्रतिसेयर आम्दानी १५.६० रुपैयाँ र प्रतिसेयर नेटवर्थ १३८.५६ रुपैयाँ रहेको छ ।
वि.सं.२०७८ कात्तिक १४ आइतवार १२:२३ मा प्रकाशित
