काठमाडौं । सेयर बजारमा ३० लाख कित्ता बढी सेयर थपिएको छ । बुधावर विभिन्न ४ कम्पनीको ३० लाख ७२ हजार ८३७.८६ कित्ता सेयर थपिएको हो ।
नेपाल स्टक एक्सचेञ्ज(नेप्से)मा तीन लघुवित्त वित्तीय कम्पनी र एक इन्स्योरेन्स कम्पनीको बोनस सेयर सूचीकृत भएको हो ।
मंगलबार महुली लघुवित्त वित्तीय संस्था २० प्रतिशत बोनस सेयर बापतको ३ लाख ७३ हजार २४० कित्ता, उन्नती सहकार्य लघुवित्तको १७.८१ प्रतिशत बोनस बापतको २ लाख ६६ हजार ३३०.५६ कित्ता सेयर सूचीकृत भएको हो ।
यस्तै, जन उत्थान सामूदायिक लघुवित्तको ४९.४० प्रतिशत बोनस बापतको ३ लाख ९१ हजार २४८ कित्ता र नेको इन्स्योरेन्स कम्पनीको १५.५० प्रतिशत बोनस बापतको २० लाख ४२ हजार १९.३० कित्ता सेयर सूचीकृत भएको छ ।
अब यी चार वटै कम्पनीको बोनस सेयर हितग्राही खातामा आएपछि लगानीकर्ताले खरिदबिक्री गर्न सक्नेछन् ।
वि.सं.२०७८ कात्तिक १६ मंगलवार १६:२१ मा प्रकाशित
