काठमाडौं । नेपाली बजारमा सुनको मूल्य ह्वात्तै वृद्धि भएको छ । छापावाला सुन बिहीवार एकै दिन १ हजार ३ सय रुपैयाँले वृद्धि भएको हो ।
नेपाल सुनचाँदी व्यवसायी महासंघका अनुसार आजका लागि सुनको मूल्य ९४ हजार रुपैयाँ कायम भएको छ । अघिल्लो कारोबार दिन ९२ हजार ७ सय रुपैयाँमा खरिदबिक्री भएको थियो ।
महासंघका अनुसार आज तेजावी सुनको मूल्य ९३ हजार ५ सय रुपैयाँ निर्धारण भएको छ । अघिल्लो दिन भने ९२ हजार २ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि वृद्धि भएको छ । आज प्रतितोला २० रुपैयाँले बढेर १ हजार २७० रुपैयाँ कायम भएको छ । अघिल्लो दिन १ हजार २५० रुपैयाँमा कारोबार भएको थियो ।
वि.सं.२०७८ कात्तिक २५ बिहीवार ११:१२ मा प्रकाशित
