काठमाडौं । नेपाल राष्ट्र बैंकले बैंक तथा वित्तिय संस्थालाई मास्टर रिपर्चेज एग्रीमेन्ट (सम्झौता)कोलागि सम्पर्क गर्न आग्रह गरेको छ ।
केन्द्रिय बैंकको मौद्रिक व्यवस्थापन विभागले एक सुचना जारी गरी खुल्ला बजार कारोबार तथा व्याजदर करिडोर अन्तर्गत पर्ने रिपो, रिभर्स रिपो एवं ओपरनाइट रिपोमा सहभागी हुने बैंक तथा वित्तिय संस्थालाई मास्टर रिपर्चेज एग्रीमेन्टकोलाागि आग्रह गरेको हो ।
राष्ट्र बैंकले यसअघि यस्तो एग्रीमेन्ट गरिसकेकाको हकमा पनि पुनः एग्रीमेन्ट गर्नुपर्ने व्यवस्था गरेको जनाएको छ । विभागका कार्यकारी निर्देशक नरेश शाक्यका अनुसार बैंक तथा वित्तिय संस्थाले खुल्ला बजार कारोबार विनियावलीको विनियम १२ र विनियम २१ अनुसार राष्ट्र बैंकसँग खुल्ला बजार कारोबार गर्दा अनिवार्य सम्झौता गर्नुपर्छ ।
यस्तैगरी राष्ट्र बैंकले स्थायी तरलता सुविधा (एसएलएफ्) उपयोग गर्न चाहने बैंक तथा वित्तिय संस्थाले पनि सुरक्षणपत्र धितो कारोबारसम्बन्धी सम्झौता गर्नका लागि आग्रह गरेको छ ।
वि.सं.२०७८ मंसिर १ बुधवार १८:३१ मा प्रकाशित