बिक्रम सुनार,
काठमाडौं । २५ जलविद्युत कम्पनीहरुको विद्युत बिक्रीबाट हुने आम्दानी शतप्रतिशतले वृद्धि भएको छ ।
चालु आर्थिक वर्ष २०७८/७९ को पहिलो त्रैमासमा कम्पनीहरुले विद्युत बिक्रीबाट हुने आम्दानी १०१ प्रतिशतले वृद्धि भई ३ अर्ब ६९ करोड ७४ लाख ६ हजार रुपैयाँ पुगेको छ ।
कम्पनीहरुले गत आर्थिक बर्षको सोही अवधिमा भने १ अर्ब ८३ करोड ९४ लाख ४९ हजार रुपैयाँ विद्युत बिक्रीबाट आम्दानी गरेका थिए ।
हालसम्म तीन दर्जन बढी कम्पनीहरुले चालु आवको पहिलो त्रैमासिक वित्तीय विवरण सार्वजनिक गरेतापनि विभिन्न ९ कम्पनीले विद्युत बिक्रीबाट हुने आम्दानी उल्लेख गरेका छैनन् ।
विद्युत विक्रि गरेको आम्दमनी नदेखाउने कम्पनीहअरुमा आँखुखोला जलविद्युत कम्पनी, पाँचथर पावर कम्पनी, राधी जलविद्यतु कम्पनी, यूनिभर्सल पावर कम्पनी, हिमालय उर्जा विकास कम्पनी, साञ्जेन, रसुवागडी, हिमालयन पावर र यूनाईटेड मोदी हाइड्रोपावर कम्पनी रहेका छन् ।
चालु आआर्थिक बर्षको पहिलो त्रैमासमा सबैभन्दा बढी विद्युत बिक्री आम्दानी गर्ने जलविद्युत कम्पनीमा मैलुङ खोला जलविद्युत कम्पनीले रहेको छ । सो कम्पनीले गत आर्थिक बर्षको तीन महिनाको तुलनामा यो आर्थिक बर्षको तीन महिनामा विद्युत आम्दानी ६५४.२२ प्रतिशतले बढाएर ३ करोड ५५ लाख ९ हजार रुपैयाँ पुर्याएको छ । गत आर्थिक बर्षको असोज मसान्तमा सो कम्पनीले ४७ लाख ८ हजार रुपैयाँ विद्युत बिक्रीबाट आम्दानी गरेको थियो ।
त्यस्तै विद्युत विक्रिबाट शतप्रतिशत भन्दा बढी आम्दानी गर्ने कम्पनीमा घलेम्दी हाइड्रो पावर कम्पनी र रिदी हाइड्रोपावर कम्पनी रहेको छ । ति कम्पनीहरुले क्रमशः १६४ र १६१ प्रतिशतले आम्दानी गरेको छ । ति कम्पनीहरुले चालु आर्थिक बर्षको पहिलो तीन महिनामा क्रमशः १ करोड ८० लाख ३० हजार र ३ करोड ८३ लाख ९८ हजार रुपैयाँ आम्दानी पुर्याएको छ ।
त्यस्तै यो अवधिमा विद्युत विक्रिबाट सवैभन्दा बढी आम्दानी गुमाउने कम्पनीमा रुरु जलविद्युत परियोजना र माउन्टेन इनर्जी नेपाल रहेको छ ।
ति कम्पनीहरुले गत आर्थिक बर्षको पहिलो त्रैमासको तुलनामा चालु आर्थिक बर्षको पहिलो त्रैमासमा विद्युत विक्रिबाट हुने आम्दानी क्रमशः ५४९.९५ र ७ प्रतिशतले थप आम्दानी घटेको छ । ति कम्पनीहरुले चालु आर्थिक वर्षको पहिलो त्रैमासमा विद्युत विक्रिबाट ९९ लाख १८ हजार रुपैयाँ र माउन्टेन इनर्जी ६ करोड ९६ लाख ३० हजार रुपैयाँ थप घाटा व्यहोरेका छन् ।
गत आर्थिक बर्षको पहिलो तीन महिनमा ति कम्पनीहरुले विद्युत विक्रिबाट क्रमशः१ करोड ७ लाख १३ हजार र ९२ लाख २ हजार रुपैयाँले घाटा व्यहोरेका थिए ।
यस वर्षको पहिलो त्रैमासमा विभिन्न तीन कम्पनीहरुले विद्युत विक्रिबाट आम्दानी बढाएर नोक्सानी घटाएका छन् । नोक्सानी घटाउने कम्पनीहरुमा पञ्चकन्या माई हाइड्रोपावर, सिनर्जी पावर र चिलिमे हाइड्रोपावर कम्पनी रहेका छन् । ति कम्पनीहरुले क्रमशः २५, २४.१२ र ३.३७ प्रतिशतले नाफामा बृद्धि गरी नोक्सानी घटाएका छन्।
यता, संचालनमा आएको तीन महिनामै अपर तामाकोशीले भने १ अर्ब ७२ करोड ७७ लाख ५१ हजार रुपैयाँ विद्युत विक्रिबाट आम्दानी गरेको छ ।
अन्य कुनको कति ?
वि.सं.२०७८ मंसिर ९ बिहीवार ११:४६ मा प्रकाशित