काठमाडौं । मेगा बैंकसहित दुई कम्पनीको लाभांश सुरक्षित गर्ने भोलि अन्तिम दिन रहेको छ ।
भोलि मेगा बैंक र ग्लोबल आइएमई लघुवित्त वित्तीय संस्थाको लाभांश सुरक्षित गर्ने अन्तिम मौका रहेको छ ।
यी दुवै कम्पनीले साधारणसभा र लाभांश वितरण प्रयोजनको लागि मंगलवार (मंसिर १४ गते) बुक क्लोज गर्ने भएसँगै मंसिर १३ गतेसम्म कायम सेयरधनीले सभामा भाग लिन र लाभांश पाउनेछन् ।
मेगाा बैंकले गत आर्थिक वर्ष २०७/७७८ को मुनाफाबाट १० प्रतिशत बोनस सेयर र २.०७ प्रतिशत नगद लाभांश दिने भएको छ । लाभांश पारित गर्न बैंकले मंसिर २८ गते सभा डाकेको छ ।
यस्तै, ग्लोबल आइएमई लघुवित्तले गत आवको मुनाफाबाट सेयरधनीहरुलाई २८ प्रतिशत बोनस सेयर दिने भएको छ ।
उक्त प्रस्तावित लाभांश पारितका लागि कम्पनीले मंसिर २८ गते साधारणसभा गर्ने भएको छ ।
वि.सं.२०७८ मंसिर १२ आइतवार १५:०४ मा प्रकाशित
