काठमडौं । आईपीओ निष्काशनको तयारीमा हिमालयन रिइन्स्योरेन्स कम्पनीले चालु आर्थिक वर्ष २०७७/८९ को प्रथम त्रैमासिक वित्तीय विवरण सार्वजनिक गरेको छ ।
कम्पनीले चालु आवको असोज मसान्तसम्म ४ करोड ७६ लाख ८० हजार रुपैयाँ नाफा कमाएको छ । कम्पनीको यो नाफा अघिल्लो त्रैमासको तुलनामा भने ४०५ प्रतिशतले बढी हो । अघिल्लो त्रैमासमा कम्पनीले ९४ लाख २६ हजार रुपैयाँ नाफा गरेको थियो ।
कम्पनीको चुक्ता पुँजी ७ अर्ब रुपैयाँ रहेको छ । कम्पनीले जगेडा कोषमा ५ करोड १८ लाख २७ हजार रुपैयाँ राखेको छ ।
उक्त अवधिमा कम्पनीको खुद बीमा शुल्क आर्जन भने उल्लेखीय रुपमा सुधार देखिएको छ । अघिल्लो त्रैमासमा १ लाख ६४ हजार रुपैयाँ शुल्क आर्जन गरेको कम्पनी चालु आवको पहिलो त्रैमासमा ८ करोड ८ लाख रुपैयाँ खुद बीमा शुल्क आर्जन गरेको छ ।
उक्त अवधिमा कम्पनीको खुद दावी भुक्तानी रकम भने १ करोड ७ लाख १३ हजार रुपैयाँ देखिएको छ ।
यस्तै, चालु आवको पहिलो त्रैमाससम्ममा कम्पनीको बीमा कोष ४८ लाख १९ हजार र महाविपत्ती कोषमा ४ लाख ६० हजार रुपैयाँ राखेको छ ।
वि.सं.२०७८ मंसिर २३ बिहीवार ११:५३ मा प्रकाशित
