यो दुनियामा यस्ता राष्ट्रपति पनि हुँदा रहेछन् जसले खान नपाएर भोकाएका जनतालाई मुसा र फट्यांग्रा खाएर पेट भर्न आदेश दिएका छन् ।
अफ्रिकी देश मलावीका राष्ट्रपति अहिले यहीँ कुराले तिव्र विवादमा तानिएका छन् । देशमा व्याप्त खाद्य संकटका बेला उनले जनतालाई मुसा र फट्यांग्रा खान अपिल गरेका थिए ।
हालैको एक र्यालीमा सम्बोधन गर्दै राष्ट्रपति पिटर मुठारिकाले खाद्य संकट समाधानका लागि सरकारले हरसम्भव प्रयास गरिरहेको बताउँदै भने, सरकारले यति गर्दा पनि किन मानिसहरु भोकमरीले मरिरहेका छन् रु हामीसँग खानका लागि धेरै चिज छन् । हामीले मुसा, फट्यांग्रा तथा क्यासाभा पनि खानुपर्छ ।
राष्ट्रपतिको यो भनाईप्रति सर्वसाधारण तथा मानवअधिकारवादीले तिव्र आलोचना व्यक्त गरेका छन् । सोसल मिडियामा राष्ट्रपतिको तिव्र आलोचना गर्दै उनी क्रुर तथा संवेदनाहीन भएको आरोप लगाइएको छ । कतिपयले राष्ट्रपतिलाई नै मुसा खाने काम सुरु गर्न सुझाव दिएका छन् ।
राष्ट्रपतिको भनाईपछि सत्तारुढ दलको झण्डालाई पनि बंग्याएर सोसल मिडियामा भाइरल बनाइएको छ । झण्डामा रहेका तिनवटा मकैका घोँगाको ठाउँमा मुसा र फट्यांग्रा राखेर तस्वीर तयार पारेर इन्टरनेटमा खिसिट्युरी गरिएको छ ।
प्रकाशितः २०७३ असार १८
वि.सं.२०७३ असार १८ शनिवार १२:०१ मा प्रकाशित
