काठामाडौं । सनराइज बैंकको लाभांश सुरक्षित गर्ने आज अन्तिम दिन रहेको छ । बैंकले प्रस्ताव गरेको लाभांश सुरक्षित गर्ने आज अन्तिम मौका हो ।
बैंकले साधारण सभा प्रयोजनको लागि कम्पनीले पुस ४ गते (एक दिन) बुक क्लोज गर्ने भएको छ । योसंगै बिहीवार अर्थात् आजसम्म कायम सेयरधनीहरुले मात्र सभा भाग लिन र लाभांश पाउने छन् ।
कम्पनीले गत आर्थिक वर्ष २०७७/७८ को मुनाफबाट सेयरधनीहरुलाई ६.६५ प्रतिशत बोनस सेयर र कर प्रयोजनका लागि ०.३५ प्रतिशत नगद लाभांश वितरण गर्ने प्रस्ताव गरेको छ ।
प्रस्तावित लाभांश सहित अन्य विविध प्रस्ताव पारित गर्नका लागि कम्पनीले १४औं वार्षिक साधारण सभा पुस १५ गते बोलाएको छ ।
वि.सं.२०७८ पुस १ बिहीवार १०:५६ मा प्रकाशित
