काठमाण्डौं । विदेशमा बैक खाता खोल्न नेपालको कानुनले प्रतिबन्ध लगाएको भए पनि स्विट्जरल्यान्डका बैँकहरुमा नेपाली नागरिकहरुको ३५ अर्ब रुपैयाँ डिपोजिट रहेको छ।
स्विट्जरल्यान्डको केन्द्रीय बैँक स्विस नेसनल बैँकले सार्वजनिक गरेको तथ्याङ्क अनुसार नेपाली नागरिकहरुको ३१ करोड ४० लाख स्विस फ्र्याङ्क रकम त्यहाँका बैँकहरुमा डिपोजिट छ।
स्विट्जरल्यान्डका बैँकहरु गोपनीयताका लागि प्रख्यात छन्। त्यसैले यी बैँकहरुमा क(कसले रकम जम्मा गरेका हुन् भन्ने खुल्न सकेको छैन।
खोज पत्रकारहरुको अन्तर्राष्ट्रिय संस्था आइसिआइजेले पोहोर गरेको स्विस लिक्सका अनुसार नेपालसँग सम्बन्धित ८ जना ग्राहकको स्विस बैँकमा खाता रहेको छ। त्यसमध्ये ३८ प्रतिशतको नेपाली पासपोर्ट वा नागरिकता थियो। तर यी तथ्याङ्क एचएसबिसी बैँकसँग मात्र सम्बन्धित थियो। अहिले स्विस नेसनल बैँकले सार्वजनिक गरेको तथ्याङ्क भने त्यहाँ रहेका सबै बैँकहरुको हो। बैँकको तथ्याङ्क अनुसार झण्डै ४ प्रतिशत ग्राहक विदेशी नागरिकका छन्।
२० असार २०७३, ११।००, बिजमाण्डु
वि.सं.२०७३ असार २० सोमवार ११:१८ मा प्रकाशित