काठमाडौं । साताको दोस्रो कारोबार दिन नबिल बैंक र नेपाल बंगलादेश बैंकको सेयर मूल्यमा गिरावट आएको छ ।
सोमबार नबिल बैंकको सेयर प्रतिशत र बंगलादेश बैंकको सेयर मूल्य २.३२ प्रतिशत अर्थात प्रतिकित्ता क्रमशः ७ रुपैयाँ र १० रुपैयाँले घटेको हो ।
उक्त दिन नबिल बैंकको सेयर मूल्य प्रतिकित्ता १ हजार १३७ रुपैयाँ र नेपाल बंगलादेश बैंकको सेयर मूल्य३९८ रुपैयाँ कायम भएको छ ।
नेपाल स्टक एक्सचेञ्ज(नेप्से)का सोमबार नबिल बैंकको १४ करोड ९३ लाख ६३ हजार रुपैयाँ बराबरको सेयर कारोबार भएको नेप्सेले जनाएको छ । उक्त दिन बैंकको १ लाख ३० हजार ४१ कित्ता सेयर किनबेच भएको हो ।
यस्तै, नेपाल बंगलादेश बैंकको १२ करोड ४८ लाख ९४ हजार रुपैयाँ बराबरको सेयर खरिदबिक्री भएको छ । उक्त दिन बैंकको ३ लाख १२ हजार ९५ कित्ता सेयर किनबेच भएको हो ।
वि.सं.२०७८ पुस १९ सोमवार १६:०८ मा प्रकाशित
