काठमाण्डौं । दुनियाँकै सबैभन्दा धनी मन्दिरको रुपमा रहेको भारतको तिरुपति मन्दिरमा ६ टन सुन, ३० टन चाँदी र १ टन बहुमुल्य पत्थर रहेको छ । यो मन्दिर दुनियाकै बढि सुनचाँदी भएको मन्दिर हो । यो मन्दिरलाई स्वर्ण मन्दिर पनि भनिन्छ ।
यो मन्दिरको ढुकुटीमा ७ टन सुन रहेको छ र दिनहुँ श्रद्धालुले चढाउने सुनका कारण मन्दिरमा सुनको मात्रा बढिरहेको छ । मन्दिरमा ३० टन चाँदी तथा १ टन बहुमुल्य पत्थर समेत रहेको छ ।
मन्दिरमा करोडौँ मूल्यको सुनचाँदी थुप्रिएपछि तिरुपति मन्दिरले थुप्रिएको सुन सरकारलाई बुझाउने योजनामा भाग लिएको छ । जस अनुसार सरकारलाई दिने सुनबाट मन्दिरलाई ब्याज आउनेछ ।
मन्दिर व्यवस्थापनले पन्जाब नेसनल बैंकमा १.३ टन सुन जम्मा गरेको छ । स्टेटै बैंकमा रहेको थप एक टन सुनलाई पनि मन्दिरले पन्जाब बैंकमा सार्दैछ ।
त्यस्तै मन्दिरको अरु डेढ टन सुन इन्डियन ओभरसिज बैंकमा राखिएको छ । तिरुपति मन्दिरले सरकारको सुन जम्मा गर्ने योजना जिडिएस अन्तरगत ४ टन सुन सम्मा गरिसकेको छ र यस बापत हरेक वर्ष ब्याज स्वरुप ८० किलो सुन आर्जन गर्दछ ।
एक तथ्यांक अनुसार भारत सरकारसँग ५ सय ५७ दशमलब ८ टन सुन रहेको छ । आम भारतीयहरुसँग निजी सम्पत्तिको रुपमा २२ हजार टन सुन रहेको छ ।
प्रकाशितः २०७३ असार २१
वि.सं.२०७३ असार २१ मंगलवार १३:५८ मा प्रकाशित
