काठमाडौ । नबिल बैंकले पहिलो पटक ‘कृषि कर्जा लगानी’ सम्बन्धी राष्ट्रिय संवादमा सहकार्य गर्ने भएको छ । सहकार्य गर्नेसम्बन्धी सोमबार आरएन्डडी इनोभेटिभ सोलुसन्स प्रा.लिसँग सम्झौता गरेको छ ।
नेपाल कृषि मेसिनरी व्यवसायीसंघद्धारा आगामी माघ ५देखि ८ गतेसम्म चितवनमा हुन गइरहेको ‘कृषि यान्त्रीकरण प्रदर्शनी’ मै एकैसाथ कृषि कर्जा मेला तथा कृषि लगानी सम्बन्धी राष्ट्रिय संवादको पनि आयोजना हुनेछ ।
‘कृषि यान्त्रीकरण प्रदर्शनी’, कृषि कर्जा मेला तथा कृषि लगानी सम्बन्धी राष्ट्रिय संवाद भने इनोभेटिम सोलुसन्सले गर्दैछ । सो कार्यक्रमका लागि भने नविलले सहकार्य गर्ने गरी सम्झौता गरिएको हो ।
सो कार्यक्रममा कृषिसम्बन्धी सम्पुर्ण सरोकारवालाहरुसँग राष्ट्रिय संवाद गरिने छ । नबिल बैंकद्वारा प्रस्तुत हुन गइरहेको उक्त मेलाको प्रमुख आकर्षण ‘कृषि लगानीसम्बन्धि राष्ट्रिय संवाद’ कार्यक्रममा कृषि लगानीसम्बन्धी समस्याहरू समाधान गर्न वित्तीय संस्था, नीति निर्माता, किसान र स्थानीय सरकारहरू बीचको व्यावहारिक अनुभवका आधारमा खुला र रचनात्मक छलफललाई प्राथमिकता दिइने रहेको छ ।
उक्त सहकार्यका लागि नबिल बैंक लिमिटेको तर्फबाट साना तथा मझौला उद्यम तथा लघुवित्त कर्जा विभाग प्रमुख निरज कुमार बस्नेत (डनिल) र आरएण्डडी इनोभेटिभ सोलुसन्स प्रालिका तर्फबाट अध्यक्ष सुनिता न्हेम्हाफुकीले सम्झौता पत्रमा हस्ताक्षर गरेका छन् ।
वि.सं.२०७८ पुस २६ सोमवार १८:०३ मा प्रकाशित
