काठमाडौ । नारायणहिटीमा क्यान्टिन खोल्न दिने विषयमा भवन तथा सहरी विकास विभागका इन्जिनियर संगिता यादव र पुरातत्व विभागका इञ्जिनियर पुर्ण बहादुर श्रेष्ठ पनि दोषी पाइएको छ ।
नारायण्हिटी दरवार संग्राहालयको परिसरमा क्यान्टिन क्याफ्टेरिया सन्चालन सम्बन्धी अध्ययन एवं छानविन प्रतिवेदन २०७८ मा उनीहरु पनि दोषी रहेको पाइएको छ । सहसचिव होमप्रसाद लुइटेलको संयोजकत्वमा गठित छानविन समितिले दिएको प्रतिवेदनले दुवै इन्जिनियर दोषी देखाएको हो ।
इन्जिनियर द्धय यादव र श्रेष्ठले नारायणहिटी दरावार संग्राहालयको भाडादर कायम गर्दा चलन चल्तीको बजार मुल्यको वेवास्ता गरी डिल्ली बजार मालपोत कार्यालयको रजिष्ट्रेसन पारित गर्दाको रकम र जिल्ला प्रशासन कार्यालय काठमाडौबाट निर्धारण भएको भवनको भाडादरको आधारमा मात्र तोकिएकोले उनीहरु पनि दोषी देखिएको प्रतिवेदनमा उल्लेख गरिएको छ ।
नारायण्हिटी दरवार संग्राहालय तथा गणतन्त्र स्मारक व्यवस्थापन तथा सन्चालक विकास समिति को २०७८ फागुन १९ गते बसेको बैठकले बतास समुहलाई नारायणहीटी दरवार संग्राहालयमा क्यान्टिन चलाउनका लागि अनुमति दिएको थियो । समितिले इन्जिनियरहरुले तोेकेको दररेटकै आधारमा आफूहरुले भाडामा दिएको दावी गरेका छन् ।
वि.सं.२०७८ पुस २६ सोमवार १८:४३ मा प्रकाशित