काठमाडौं । साताको तेस्रो कारोबार दिन सेयर बजारमा रौनकता देखिएको छ । उक्त दिन बजार ४९.१९ अंकले वृद्धि भएको हो ।
मंगलबार बजार परिसुचक २८३४.१३ अंकको बिन्दुमा पुगेर बन्द भएको छ । आज काराबोर रकममा भने गिरावट देखिएको छ ।
आज ६ अर्ब ७२ करोड ४५ लाख २६ हजार रुपैयाँ बराबरको १ करोड १९ लाख ७० हजार २१५ कित्ता सेयर खरिदबिक्री भएको हो ।
उक्त दिन उत्पादक तथा प्रशोधन समूह ३१.२३ अंकले घटेको छ । यी बाहेक सबै समूह हरियाली बनेका छन् ।
मंगलबार अपि पावरको सर्वाधिक सेयर कारोबार भएको छ । आज कम्पनीको १६ करोड ८३ लाख २२ हजार रुपैयाँ बराबरको सेयर किनबेच भएको छ ।
कारोबार रकमकै आधारामा दोस्रो स्थानमा रहेको गोर्खाज फाइनान्सको पनि १६ करोड ६२ लाख ७२ हजार रुपैयाँ बराबरको सेयर किनबेच भएको छ ।
यस्तै, उक्त दिन नेपाल लाइफ इन्स्योरेन्स कम्पनीको १५ करोड ६४ लाख ३ हजार रुपैयाँ बराबरको सेयर कारोबार भएको छ ।
वि.सं.२०७८ पुस २७ मंगलवार १५:२१ मा प्रकाशित