काठमाण्डौं । त्रिपुरेश्वरको आँगन मिठाइ पसलमा पाइने मिठाइ खान अयोग्य भएको सरकारी अनुगमन टोलीले निष्कर्ष निकालेको छ । आँगनका लागि मिठाइ उत्पादन हुने पाटन औद्योगिक क्षेत्रमा रहेको पशुपति फुड्स प्रालिको बनाउने मिठाइ फोहोर र प्रदुषित भएको भन्दै टोलीले आँगनको मिठानमा जोखिम रहेको बताएकोछ ।
आपुर्ति व्यवस्थापन विभाग तथा उपभोक्ता हित मञ्च, खाद्य प्रविधि तथा गुण नियन्त्रण विभाग, जिल्ला प्रशासन कार्यालय ललितपुर र काठमाडौंले आज बुधबार संयुक्त रूपमा अनुगमन गरेको थियो।
सो क्रममा पाटन औद्योगिक क्षेत्रमा रहेको पशुपति मिठाइ उद्योगमा मिठाइ बन्ने ठाउँमा कामदारहरूले मास्क, एप्रेन नलगाइ बनाउने गरेको, हात धुने पानी फोहोर रहेको, किचनमा ढल मिसिएको, झिँगा भन्किएको र घ्युमा झिँगा भन्किरहेको फेला पारेको हो।
पशुपतिले उत्पादन गरेका मिठाइहरू आँगन मिष्ठान्न भण्डारमा जाने गरेको छ । अनुगमन टोलीले सात दिनभित्र सरसफाइ गर्ने पशुपति फुड्सलाई निर्देशन दिएको छ।
२२ असार २०७३, १।००
वि.सं.२०७३ असार २२ बुधवार १५:२६ मा प्रकाशित
