काठमाडौँ । वाणिज्य बैंकहरुको ब्याजदर माघ महिनामा नबढ्ने भएको छ । वाणिज्य बैंकका सीइओहरुको संगठन ‘नेपाल बैंकर्स संघ’ ले बिगतकै ब्याजदर यथावत राख्ने समझदारी गरेको हो ।
कृषि विकास बैंकका प्रमुख कार्यकारी अधिकृत तथा नेपाल बैंकर्स संघका अध्यक्ष अनिल उपाध्ययले यो महिना वाणिज्य बैंकहरुले ब्याजदर नबढाउने निर्णय गरेको बताए । यो निर्णयसँगै पुस महिना कै ब्याजदरले निरन्तरता पाउने उनले जानकारी दिए ।
यसो त बैंकहरुले मंसिरको तुलनामा पुसमा पनि ब्याज नबढाएका हुन् । सोही ब्याज माघमा पनि कायम हुन लागेको हो ।
फलस्वरुप् बाणिज्य बैंकहरुले १०.०४८ प्रतिशतसम्मको ब्याज दर कायम राख्ने छन् । १०.०४८ प्रतिशत अधिकतम सीमा हो, बैंकहरुले सो भन्दा कम ब्याजदर पनि कायम गर्न सक्ने छन्।
वि.सं.२०७८ पुस २८ बुधवार २२:११ मा प्रकाशित