काठमाडौं । सिभिल बैंकले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ । बैंकले चालु आवको पुस मसान्तसम्ममा नाफा उल्लेखीय सुधार गरेको छ।
वित्तीय विवरण अनुसार बैंकले उक्त अवधिमा ५० करोड ४० लाख १ हजार रुपैयाँ नाफा गरेको छ । जुन गत वर्षको सोही अवधिको तुलनामा १४८.४२ प्रतिशतले बढी हो । गत वर्षको पुस मसान्तमा बैंकले २० करोड २८ लाख ८४ हजार रुपैयाँ नाफा गरेको थियो।
उक्त अवधिमा बैंकको खुद ब्याज आम्दानी ५७.०३ प्रतिशतले वृद्धि भई १ अर्ब ४६ करोड ७४ ला ४९ हजार रुपैयाँ पुगेको छ। गत वर्षको सोही अवधिमा भने बैंकले ९३ करोड ४५ लाख ७ हजार रुपैयाँ मात्र खुद ब्याज आम्दानी गरेको थियो ।
यस्तै, चालु आवको पुस मसान्तसम्म बैंकको संचालनमा मुनाफा १७१.४६ प्रतिशतले वृद्धि भई ७३ करोड २२ लाख ९४ हजार रुपैयाँ पुगेको छ। गत वर्षको सोही अवधिमा भने बैंकको संचालन मुनाफा २६ करोड ९७ लाख ५८ हजार रुपैयाँ रहेको थियो।
उक्त अवधिमा बैंकले ९१ अर्ब ६९ करोड ८२ लाख १७ हजार रुपैयाँ निक्षेप संकलन गरि ८३ अर्ब ४२ करोड ७४ लाख ७८ हजार रुपैयाँ कर्जा प्रवाह गरेको छ।
बैंकको चुक्ता पुँजी ८ खर्ब ६४ करोड ३६ लाख ६१ हजार रुपैयाँ रहेको छ । बैकले जगेडा तथा कोषमा २ अर्ब ५४ करोड ६ लाख ३८ हजार रुपैयाँ राखेको छ । उक्त अवधिमा बैंकको खराब कर्जा अनुपात घटेर ०.९४ प्रतिशत कायम भएको छ।
बैंकको प्रतिसेयर आम्दानी ११ रुपैयाँ ६६ पैसा र प्रतिसेयर नेटवर्थ १२९ रुपैयाँ ३९ पैसा रहेको छ।
वि.सं.२०७८ माघ ७ शुक्रवार १०:३४ मा प्रकाशित