काठमाडौं । ग्लोबल आइएमई बैंकले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
वित्तीय विवरण अनुसार बैंकले उक्त अवधिमा २ अर्ब ६६ करोड ३ लाख ८४ हजार रुपैयाँ नाफा गरेको छ । जुन गत वर्षको सोही अवधिको तुलनामा १५.०४ प्रतिशतले बढी हो । गत वर्षको पुस मसान्तमा बैंकले २ अर्ब ३१ करोड ५१ लाख १८ हजार रुपैयाँ नाफा गरेको थियो।
उक्त अवधिमा बैंकको खुद ब्याज आम्दानी ०.४९ प्रतिशतले वृद्धि भई ४ अर्ब ७९ करोड ५२ लाख ३७ हजार रुपैयाँ पुगेको छ। गत वर्षको सोही अवधिमा भने बैंकले ४ अर्ब ७७ करोड १८ लाख ५४ हजार रुपैयाँ मात्र खुद ब्याज आम्दानी गरेको थियो । बैंकको वितरण योग्य नाफा १ अर्ब ४८ करोड ५६ लाख ४८ हजार रुपैयाँ रहेको छ ।
यस्तै, चालु आवको पुस मसान्तसम्म बैंकको संचालनमा मुनाफा १३.५७ प्रतिशतले वृद्धि भई ३ अर्ब ६७ करोड ६९ लाख १४ हजार रुपैयाँ पुगेको छ। गत वर्षको सोही अवधिमा भने बैंकको संचालन मुनाफा ३ अर्ब २३ करोड ७६ लाख ६६ हजार रुपैयाँ रहेको थियो।
उक्त अवधिमा बैंकले २ खर्ब ७१ अर्ब ९० करोड १६ लाख ११ हजार रुपैयाँ निक्षेप संकलन गरि २ खर्ब ६८ अर्ब ४३ करोड ३७ लाख ९२ हजार रुपैयाँ कर्जा प्रवाह गरेको छ।
बैंकको चुक्ता पुँजी २३ अर्ब ७९ करोड ५७ लाख ५३ हजार रुपैयाँ रहेको छ । बैकले जगेडा तथा कोषमा १० अर्ब ७० करोड १३ लाख ४४ हजार रुपैयाँ राखेको छ । उक्त अवधिमा बैंकको खराब कर्जा अनुपात ०.५९ प्रतिशतले घटेर १.१३ कायम भएको छ ।
बैंकको प्रतिसेयर आम्दानी २२ रुपैयाँ ५६ पैसा र प्रतिसेयर नेटवर्थ १४४ रुपैयाँ ९७ पैसा रहेको छ।
वि.सं.२०७८ माघ ७ शुक्रवार १०:५३ मा प्रकाशित
